Прахадны салон над Зорнай залай Прахадны салон над Зорнай залай упершыню ўзгадваецца ў сярэдзіне XVII ст. як “пярэдняя” князя з эркерам у вежцы. Інтэр’ер быў абсталяваны паліванай печчу з чорнымі арламі і кесоннай столлю. Пазней у пакоі размяшчаўся пярэдні салон перад жылым пакоем княгіні. У першай палове ХІХ ст. памяшканне ўзгадвалася як “гасціная” альбо “пярэдняя” з паркетнай падлогай і гіпсавай столлю, панэлямі на сценах і камінам. Зала рэканструявана на апошнюю чвэрць ХІХ ст. у стылі неакласіцызму. У той час памяшканне служыла пярэдняй для князя Мацея Радзівіла, які пэўны час займаўся кіраваннем маёнткамі Нясвіжскай ардынацыі.