Бальная зала
У XVI – XVII стст. тут знаходзілася жылое памяшканне для гасцей. У сярэдзіне XVIII стагоддзя, пасля перапланіроўкі, зала набыла свой сучасны выгляд параднага пакоя. У 1829 – 1832 гг. была праведзена рэстаўрацыя мазаікі і ляпных арнаментаў залы па праекце архітэктара Яна Ельскага з Вільні. У 1870-80-х гг. у памяшканні праводзіліся рамонтныя работы, у выніку якіх інтэр’ер залы набыў рысы неакласіцызму. Па ўспамінах Эльжбеты Тамашэўскай (Радзівіл), у 20-30 гг. ХХ стагоддзя зала мела назву Бальнай.