Капліца
Пры спальных пакоях палаца Радзівілаў меліся індывідуальныя каплічкі для асабістай малітвы. Аднак асобная каталіцкая капліца ў палацы з’явілася толькі ў 1758 г. па ініцыятыве Міхаіла Казіміра Радзівіла Рыбанькі. Алтар капліцы быў узведзены са штучнага мармуру, стол алтара з каменю, падлога з мармуровых пліт. Інтэр’ер капліцы быў упрыгожаны абразамі, мемарыяльнымі табліцамі і фрэскамі. Цэнтральнае месца ў капліцы займае копія абраза XVII ст. Маці Боскай Латэранскай, якую атрымалі ў дарунак ад караля Рэчы Паспалітай Яна ІІІ Сабескага.