Культурны цэнтр г.Бірштонас упрыгожвае вітраж «Літва», выкананы Вітаўтасам Шварлісам. Гэты вітраж – адзін з найбуйнейшых у Літве: ягоная плошча – 142 кв.м. Вітраж быў створаны ў 1980 г. і ад пачатку меў назву «Бурштынавае святло Літвы», але пад уплывам тагачаснай ідэалогіі доўгі час насіў назву «Савецкая Літва». Аўтар сцвярджае, што ў гэтым вітражы адсутнічаюць сімвалы і знакі савецкае пары. Пасля рэстаўрацыйных работ, праведзеных у 2001 годзе, назва вітражу была скарочаная, і цяпер ён называецца «Літва».

Вітраж адлюстроўвае фрагменты літоўскай гісторыі – ад часоў Вялікага княства Літоўскага, праўлення Вялікіх князёў Міндоўга і Вітаўта да сучаснасці. У шкле ўвасобленая барацьба за незалежнасць Літвы, дасягненні краіны ў сферы мастацтва, культуры і навукі. Вітражная мазаіка ўяўляе з сябе манумэнтальнае гістарычнае шматкаляровае палатно, якое нібы ажывае падчас правядзення ў будынку фэстаў ды іншых мерапрыемстваў, і пачынае ззяць новымі фарбамі.