Вялікая парадная лесвіца
Лесвіца ў замку існуе з XVI ст. Яна з’яўляецца сімвалічным цэнтрам і архітэктурнай воссю кампазіцыі ўсяго замка і замкавага комплекса. Роспісы сцен і столі ажыццяўляліся з другой паловы XVIІІ ст. У роспісах лесвіцы прысутнічаюць тры багіні: багіня світанку Эос (Аўрора) – на плафоне, багіня вайны, мудрасці, мастацтваў і рамесніцтва Афіна (Мінерва) і багіня перамогі Ніка (Вікторыя) – у роспісах сцен. На лесвіцы захаваліся арыгінальныя поручні і элементы роспісу на сценах і ў аконных нішах.