Руіны капліцы-пахавальні знаходзяцца на ўсход ад вёскі, недалёка ад дома-крэпасці. Пабудавана ў 1633г. на сродкі Зузаны Нонхарт як кальвінскі збор і пахавальня сям’і Нонхартаў. Уладальнік Гайцюнішак, які пабудаваў тут па ўласным праекце дом-крэпасць, Пётр Нонхарт памёр у 1633г. і быў пахаваны ў гэтай капліцы. Пазней у крыпце пахавалі прадстаўнікоў роду Сцяцкевічаў і іншых уладальнікаў маёнтка.

Капліца з’яўляецца помнікам архітэктуры, які спалучыў у сабе элементы готыкі і рэнесансу. Гэта прамавугольны ў плане будынак з такой жа алтарнай часткай, лучковымі аконнымі праёмамі і магутнымі контрфорсамі. Ён меў высокі вальмавы дах. Дах і схілы контрфорсаў былі накрыты чарапіцай. Да нашага часу дайшлі толькі руіны капліцы – часткі паўночнай і заходняй сцен. prefix = o ns = "urn:schemas-microsoft-com:office:office" /