Камінная (Вялікая сталовая) зала Зала створана ў сярэдзіне XVII ст. Выконвала функцыі як сталовай залы, так і памяшкання для дэманстрацыі твораў мастацтва. Згодна з інвентаром сярэдзіны XVII ст. у зале было выстаўлена 12 карцін, пераважна пейзажнага жанра, 16 металічных фігур на размаляваных пазалочаных пастаментах. У сярэдзіне XVIIІ ст. па ініцыятыве Міхаіла Казіміра Радзівіла Рыбанькі зал абсталяваны партрэтамі пэндзля Ксаверыя Гескага. Інтэр’ер залы захаваны рэстаўратарамі на канец ХІХ ст. Гэта адзін з аўтэнтычных пакояў палаца. У ім знаходзяцца дзве арыгінальныя печы, камін з дымаходам ХІХ ст., курульныя крэслы, аўтэнтычная ашалёўка сцен з інкруставанымі панэлямі, арнамент якой не паўтараецца на ніводнай з іх. Таксама ў залі захаваўся арыгінальны наборны паркет і столі часоў Караля Станіслава Радзівіла Пане Каханку.