Былая спальня княгіні У канцы XVI ст. ў памяшканні жылі дзеці Мікалая Крыштофа Радзівіла Сіроткі. У інвентары 1650 г. пакой названы “дзявоцкай ізбой” і прызначаўся для дзяцей князя і княгіні. Пазней памяшканне выкарыстоўвалася як пакой княгіні з лесвіцай уверх у вежцы, спальня князя з капліцай у вежцы. На сярэдзіну XVIII ст. інтэр’ер пакоя упрыгожаны карцінамі ваеннай тэматыкі, сцены абабіты палатном з пазалочанымі панэлямі, у сцяне – белая печ з вялікай кафляй, камін з вялікім люстэркам зверху і пазалочанымі рамамі. Зала рэканструявана на канец ХІХ ст. у стылі неакласіцызму.