Гетманская зала
Памяшканне ўладкавана ў другой палове XVIII ст. як зала князёў Вішнявецкіх. Створана ў знак параднення двух магнацкіх родаў у часы ІХ нясвіжскага ардынат Міхала Казіміра Радзівіла Рыбанькі, жанатага на Францішкі Уршулі Радзівіл з роду Вішнявецкіх. Тут размяшчаліся дзве партрэтныя галерэі, выкананыя мастакамі пад кіраўніцтвам Ксаверыя Гескага. У 1791 г. у памяшканні распісана столь, а сцены ўпрыгожаны 24 партрэтамі. У сярэдзіне 1880-х гг. у зале абсталявана бібліятэка, у першай палове ХХ ст. – паляўнічая зала. У канцы ХХ – пачатку ХХ ст. тут знаходзілася 17 партрэтаў прадстаўнікоў рода Радзівілаў і персон, якія парадніліся з імі. На сённяшні дзень тэматыка залы пашырана і акрамя Радзівілаў і Вішнявецкіх, прадстаўлена ваенная гісторыя Вялікага княства Літоўскага ў партрэтах найболей выбітных гетманаў.